ОпенМН баг нэн удаан чимээгүй явсны эцэст энд тэндгүй эхлүүлээд байгаа нээлттэй эх бүхий төслүүдийг нэгтгэх үүднээс нэгдсэн орчуулгын системийг суулгалаа. Хэрэв та ГНОМЕ, КДЭ, ОпенОфис.орг гэх зэрэг томоохон төслүүдийн монгол орчуулгад оролцох хүсэлтэй бол http://trans.openmn.org/ орж бүртгүүлнэ үү. Энэ онлайн орчуулгын систем бөгөөд хуучин манай ОРЧУУЛГА буланд байсан системийг орлож байгаа юм. Хуучин систем маань цөөн хөгжүүлэгчтэйгээс гадна чадлыг бодолцон MYSQL, PHP дээр бичигдсэн прогам байсан тул орчуулгыг арчлан PO хэлбэрт оруулан зохион байгуулахад нэлээн хүндрэлтэй байсан тул ийнхүү Pootle ашиглахаар шийдвэрлэсэн болно. Одоогийн байдлаар зөвхөн ГНОМЕ орсон байгаа бөгөөд цаашид бусад төслүүдийн орчуулгууд нэмэгдэх болно.

Хэрэв та урьд нь ГНОМЕ-г орчуулах гэж оролдож байсан бол https://launchpad.net, limnux.mn, linux.mn гэх зэрэг олон сайтууд дээр орчуулах гэж оролдсон байж болох юм. Гэвч таны орчуулга үндсэн нийгэмлэгийн агуулах руу орж өгөхгүй зовлонтой байсан байж болох юм. Одоо тэгвэл та http://trans.openmn.org системд орчуулгаа хийвэл хамгийн оройтлоо гэхэд долоо хоногийн дотор gnome.org үндсэн агуулахад бичигдэж байх болно. Мөн долоо хоног бүр шалгах зориулалтаар орчуулгууд .deb форматаар бэлтгэгдэнэ.

"Нээлттэй эх" ном монгол хэл дээр PDF хувилбараар гарлаа.

Кэмбриж хэмээн нэрлэгдсэн Федора линукс тархацийн хувилбар 10 гарлаа

Гурван жилийн тасралтгүй сайжруулалт, хөдөлмөрийн дүнд ОпенОфисын 3.0 хувилбар гарлаа. Энэ хувилбар нь олон шинэ боломжуудыг нэмснээс гадна Мак үйлдлийн систем хэрэглэгчдийн уугуйл орчинд илүү сайн ажиллах боломжтой болсон билээ. Та http://download.openoffice.org хаягаар орж англи, герман, дани, франц, итали, япон, орос, швед хувилбаруудыг татаж авах боломжтой бөгөөд бусад хэлүүдийн бусад хувилбаруудыг бусад хэлүүд хаягаас татаж авах боломжтой.
ОпенОфисын монгол хувилбарыг мөн ОпенМН холбооноос гаргасан бөгөөд http://mn.openoffice.org/about-downloads.html эсвэл манай татац булангаар орж авна уу.

ОпенМН холбооноос зохион байгуулах үйл ажиллагааны тухай дэлгэрэнгүй мэдээллийг дараах хаягаар орж авна уу.

 http://wiki.services.openoffice.org/wiki/MN/OpenMn2008Ulaanbaatar

ОпенМН холбоо 2005 онд эхлүүлсэн Опенофис цогц програмыг орчуулах ажлыг амжилттай дуусгаж, шалгалтын үйл ажиллагааг хийж, дараагийн хувилбар болон дүрмийн алдаа шалгагч дээр ажиллаж байна. Одоогийн 2.4 хувилбарыг удахгүй чанарын шалгалтаар оруулах бөгөөд 7 сарын 31-нд эцсийн байдлаар дуусгаж тараахаар төлөвлөж байна. Мөн 8 сарын 8-нд нээлтийн үйл ажиллагаа Үндэсний Мэдээллийн Паркт болох бөгөөд сонирхож байгаа хүмүүс 7 сарын 31 хүртэл register@openmn.org хаяг руу хүсэлт имэйл илгээнэ үү. Имэйлийн гарчгийг (subject) Openoffice.org, агуулгад оролцох хүний тоог бичихэд хангалттай. Та хариу имэйл авахгүй бөгөөд мэйл явуулсан л бол автоматаар бүртгэгдсэн гэж ойлгож болно.

Энэхүү нээлтийн үеэр Опенофисын товч танилцуулга, нээлттэй эх бүхий програм хангамжийн нутагшуулалт ба түүнд барих стандарт, монгол опенофис, түүнийг хөгжүүлэх концепт, виндовсоос линүкс рүү нүүх аргачилал гэх мэт илтгэлүүд тавигдаж бэсрэг үзэсгэлэн гаргана.

Үзэсгэлэнд нээлттэй эх бүхий програм хангамжууд, ОпенМН холбооны хийсэн бүтээлүүдээс тавигдана. Түүнчлэн ОпенМН холбооны хийж буй, хийхээр төлөвлөсөн ажлуудаас танилцуулна.